Телен ҡәҙерләгән халыҡ – ҡәҙерле булыр, ти халыҡ мәҡәле. Шөкөр, беҙҙең был йәһәттән уңыштарыбыҙ байтаҡ ҡына. Мәҫәлән,11 а класы уҡыусыһы Алина Игебаева туған телдәр буйынса төнъяҡ-көнсығыш федераль олимпиадаһында 3-сө урын яуланы. Ә “Йыл уҡыусыһы” номинацияһын яулаған Таштимер Ғәрифуллин Өфөлә Кесе фәндәр академияһы уҙғарған конференцияһында (МАН) 2-се урын, “Кейекбаев уҡыуҙары”нда 2-се урын, “Импульс” фәнни-ғәмәли конференцияһының муниципаль этабында 2-се урын, Ш.Бабич шиғырҙарын яттан һөйләү республика конкурсында Гран-при алды. Уҡыусыларға һәм уҡыусыларҙы әҙерләгән башҡорт теле һәм әҙәбиәте уҡытыусыһы Әлнисә Рәхимйән ҡыҙы Кәримоваға уңыштар теләйбеҙ!