Ошо көндәрҙә баш ҡалабыҙҙа «Урал батыр» эпосын яттан һөйләү буйынса йәш сәсәндәр бәйгеһенең йомғаҡлау сараһы үтте. М.Ғафури исемендәге башҡорт дәүләт драма театрында үткән тантанала Сибай гимназия-интернаты уҡысылары ла ҡатнашты. Ҡыҫҡа ваҡыт эсендә «Алдар менән Зөһрә» эпосын сәхнәләштереп, гимназистар үҙ төркөмөндә өсөнсө урынға сыҡты.
— Юғары кимәлдә ойошторолған сараға барып, сертификаттар һәм диплом алып, ҡәнәғәт йөрөп ҡайттыҡ, — тип фекере менән уртаҡлашты ижади команда етәксеһе, башҡорт теле һәм әҙәбәите уҡытыусыһы Әлнисә Рәхимйән ҡыҙы Кәримова.
Уҡыусыларға һәм етәксеһенә афарин, тип әйтергә генә ҡала.