Сибай гимназия-интернатында Бөйөк Ватан һуғышы яугирҙарына таҡтаташ ҡуйылған. Унда иһә заманында беҙҙең белем усағында төрлө вазифаларҙа, шул иҫәптән директор, педагогтар булып эшләгән Әсхәт Мотаев, Миҙхәт Дашкин, Йәмлиха Йәнтилин, Мәғдән Музипов, Мәҡсүдә Биишеваларҙың исемдәре яҙылған. Бөгөн, Ватан Геройҙары көнө уңайынан, бөтә гимназистарҙы ла таҡтаташ эргәһенә йыйып, утты-һыуҙы кискән геройҙарыбыҙҙың тормош юлы, ҡаһарманлығы хаҡында еткерелде.