10 а класы уҡыусыһы Ғәҙел Абдрахманов мәшһүр ҡурайсы Ғата Сөләймәновтың тыуыуына 110 йыллығына арналған Бөтә Рәсәй фәнни-эҙләнеү конференцияһында ҡатнашып, 1-се урынға лайыҡ булды. Ул олатаһы эҙенән, ҡурайсының тыуған ауылы Баймаҡ районы Төркмәнгә барып, музей етәксеһе Зәлиә Бүләкәнова-Талипова менән әңгәмә ҡора, бай материал туплай. Интернет селтәрен оҫта файҙалана, уҡыусылары һәм туғандары менән бәйләнеш булдыра. Сәмле эш-йәмле эш, тигәндәй, етәксеһе Әлнисә Кәримова-Алдырханова менән ҙур эш башҡарып, яҡшы һөҙөмтәгә өлгәшә улар.